डेडिकेटेड ट्रंकलाइन विवाद: बक्यौता नतिर्ने सबै उद्योगमा लाइन काटिने

काठमाडौं । नेपाल विद्युत प्राधिकरणले बक्यौता नतिर्ने सबै उद्योगमा लाइन काट्ने भएको छ ।

प्राधिकरणले डेडिकेटेड फिडर तथा ट्रंकलाइन लिएर बक्यौता नतिर्ने उद्योगहरुलाई कार्तिक २ गतेसम्मको समय दिएको छ । उक्त समयभित्र तिर्न नआए सबै उद्योगमा लाइन काट्न लागिएको हो । प्राधिकरणले २ गतेसम्म बक्यौता तिर्न नआउने सबै उद्योगमा लाइन काट्ने निर्देशन समेत दिइसकेको छ ।

प्राधिकरणले सार्वजनिक सुूचना निकालेर २८ किस्तामा बक्यौता तिरिसक्न भनेको थियो । सोही आधारमा प्राधिकरणले बक्यौता नतिर्ने उद्योगहरुको लाइन काट्न लागेको हो । ‘अहिलेसम्म कुनै पनि उद्योगले बक्यौता तिर्न आएका छैनन् । केहि उद्योगी छलफल गर्न आएका थिए । उनीहरुलाई एमडी सापले बक्यौता तिर्नै पर्छ भन्नु भएको छ । त्यसबाहेकको विकल्प छैन भन्नु भएको छ,’ प्राधिकरणका एक इन्जिनियरले भने, ‘बक्यौता नतिर्ने सबैको लाइन काटिन्छ ।’ २ गते राती १२ बजेपछि सबै उद्योगमा लाइन काट्ने तयारीमा प्राधिकरण छ ।

ऊर्जामन्त्री कुलमान घिसिङले कार्यभार सम्हालेपछि बक्यौता उठाउने निर्णय गरेका थिए । उनकै निर्णयलाई साथ दिएर प्राधिकरणले बक्यौता उठाउन लागेको हो । प्राधिकरणका कार्यकारी निर्देशक सिलवाल समेत बक्यौता उठाउन लागि परेका छन् । उनी उपकार्यकारी निर्देशक हुँदा समेत बक्यौता उठाउन डटेर लागेका थिए । प्राधिकरणले करिब ८ अर्ब रुपैयाँ बक्यौता उठाउन लागेको हो ।

उद्योगीहरुले कुल बक्यौता २८ महिनामा तिर्नुपर्नेछ ।

उद्योगी र प्राधिकरणबीच लामो समयदेखि यो विवाद चलिरहेको छ । उद्योगीहरुले टिओडी मिटरको विवरण नभएको भन्दै बक्यौता तिर्न अस्वीकार गरेका छन् ।

कुन उद्योगको कति छ बक्यौता ?

स्रोत नेपाल विद्युत प्राधिकरण

डेडिकेटेड फिडर तथा ट्रंकलाइन प्रयोग गरेबापत २०७२ माघदेखि २०७५ पुससम्मको थप महसुल उठाउन लागिएको हो ।