नेपाल पूर्वाधार 
उदयपुर। जिल्लको त्रियुगा नगरपालिका–३ मोतिगडास्थित स्प्रिङ मिनरल उद्योगलाई प्रशासनले सिल गरेको छ। खाद्य तथा गुणस्तर नियन्त्रण डिभिजन कार्यालय र जिल्ला प्रशासन कार्यालयको संयुक्त अनुगमनका क्रममा उद्योगले मापदण्डविपरीत पानी फिल्टरिङ गरी उपभोक्ताको स्वास्थ्यमा असर पुग्ने गतिविधि गरेको भेटिएपछि उद्योग सिल गरिएको हो ।
कार्यालयका अनुसार उपभोक्ताबाट पटकपटक गुनासो आएपछि गरिएको अनुगमनमा उद्योगले निर्देशना अटेर गरी गुणस्तरहीन मिनरल वाटर उत्पादन गरिरहेको पाइयो ।
यसअघि जरिवाना र चेतावनी दिइए पनि सुधार नगरेपछि प्रशासनले कडा कदम चालेको जनाएको छ । उद्योगबाट उत्पादित मिनरल वाटरको बिक्रीसमेत रोक लगाइएको छ ।
