नेपाल पूर्वाधार 
काठमाडौं। सरकारले सवारी चालक अनुमति पत्र (लाइसेन्स) छपाई तथा वितरण कार्य अनिश्चितकालका लागि बन्द भएको घोषणा गरेको छ ।
यातायात व्यवस्था विभागको सूचना अनुसार भदौ २३ र २४ गते भएको विरोध प्रदर्शनका क्रममा विभागको भौतिक संरचनामा ठूलो क्षति पुगेको छ । तोडफोड, आगजनी र चोरी/लुटपाटका कारण इलेक्ट्रोनिक उपकरण, छपाई मेसिन र सर्भरमा क्षति पुगेको उल्लेख छ ।
सोही कारण विद्युतीय सवारीसाधन दर्ता प्रणालीसहित सूचना प्रविधिसम्बन्धी सम्पूर्ण सेवा अवरुद्ध भएको विभागले जनाएको छ ।
विभागले अर्को सूचना जारी नभएसम्म लाइसेन्स छपाई र वितरण लगायतका सबै सूचना प्रविधि आधारित सेवा बन्द रहनेछ ।
